اه اه عن النظرية النسبيه..جربوا بس تضغطوا على نفسكوا وتدخلوا ههههه

بسم الله الرحمن الرحيم


النظرية النسبية ببساطة بتقول ان كل حاجة نسبيه ومفيش حاجة مطلقه ؟ يعني ايه ؟


يعني زي ما كنت قولت قبل كدا


ان الانسان بيتعامل مع 3 ابعاد


الطول..العرض ..الارتفاع


الطول..زي ما تكون كدا ماشي ع المحور او ع كبري قصر النيل بعربيتك
العرض..ودا جاي من المساحات المزروعه اللي هي الطول في العرض ومنها الانسان بيتعامل مع العرض
الارتفاع... لما تخلص مشاويرك ترجع البيت ع الدور الخامس وبكدا اتعاملت مع الارتفاع في المباني


وكل بعد من اللي فات ممكن التحكم فيه..فهو مش مطلق بيتحكم فينا لا دا هو نسبي بنتحكم احنا فيه


طب ما الكلام دا معروف ؟ وبعدين ..الفكره في اينشتين ان هو قال ان فيه بعد رابع..ايه هو البعد الرابع


هو الزمن (وهو دا اللي شغال زويل عليه دلوقتي ونسبة ذكاؤه اعلى من اينشتين)..الزمن لو حبينا نعرفه نقول ايه..في الحقيقه كلنا عارفين الزمن..الزمن هي الحاجة اللي عدت وانت بتقرا الكلام اللي انا بقوله دا..الزمن هي المده اللي مخك فيها استقبل اشارات عصبيه علشان تحاول تترجم او تفهم كويس الكلام اللي انا بقوله دا..الزمن هو البعد اللي بيحتوي كل بعد تاني فيه


والزمن بيعدي بينا...شيء مطلق لينا مش بنعرف نرجعه او نقدمه او نزوده او نقصره..باختصار هو بعد بيـ اممممممم بيحتوي بقيت الابعاد جواه...وهو دا اللي اينشتين حاول يخليه نسبي..ان يخلي الزمن حاجة زي الطول والعرض والارتفاع حاجة بنتحكم فيها ؟



طب وممكن الكلام دا..يعني ممكن انا اخلي الساعه اللي تعدي عليك تعدي عليا انا دقيقه واحده..ممكن انا اعمل كدا؟ ممكن اخلي الزمن يعدي بالناس ويكبروا وانا لسه زي ما انا وبنفسي سني والايام معدتش عليا بس انا عايش نفس احداثك انت يللي كنت نفس سني ودلوقتي كبرت ؟


الكلام طبعا محتاج خيال مش محتاج علم..وهو دا افضل حاجة انا اكتشفتها ع فكره في قراءءة العلوم..خليك غبي متحطش قواعد وانت بتقرا متحكمش نفسك بقوانين اخدتها من المدرسه وفراحان انك فاكرها اتخيل على اد ما تقدر وتخيلك دا هيخليك حاجة جامده جدا زي ما قال اينشتين... imagination is more important than knowldge
,.,الخيال اهم من المعرفة,.,



الفكره لما نحاول نحتوي احنا الزمن..بتكمن في اننا نعرف هو ايه الزمن ....بيمشي ازاي..يعني الطول زي ما امشي بالعربية..العرض زي ما ازرع الاض والارتفاع زي ما بركب الاصانصير..امال الزمن؟


الزمن في الحقيقه برضه بيعدي بينا وليه طريقة بيعدي بيها..وبيعدي بسرعه ثابته بتفوق خيالنا دلوقتي..يعني الزمن اللي بتحصل فيه الاحداث قادر على ابتلاعها كلها ومستحيل تعدي منه..لان الزمن سرعته مفيش سرعه زيها..يعني الطول لو 2 متر انا اقدر اتجاوزه في ثانيه..ألعرض لو مترين برضه ولا يفرق هعديه علطول... والارتفاع كذلك..امال كام سرعه الزمن اللي احنا مش هنعرف نعديها دي..سرعه الزمن في الحقيقه هي 30000 كم في الثااااانيه الواحده...يعني تقريبا مليون كيلو في اقل من اربع ثواني !!!


طب بافتراض - واحنا قولنا منخضعش المنطق دلوقتي - ان انا وصلت السرعه دي هيحصل ايه ؟؟؟؟


بكل بساطه هتمشي بنفس سرعة الزمن يعني الزمن مش هيتقدمك بيك يعني هتعدي بالحدث اللي انت عايش فيه وتتقدم معاه و ميبقاش ماضي دا هيبقى حاضر ومستقبل وصوره واقفه ليك بس انت بتتحرك فيها بحرية..طبعا الكل مش فاهم حاجة ومنهم انا هههههههههههههه وللتبسيط هههههههههه


امممممممم اجيب مين من الاعضاء كمثال ههههههههههه امممممممممم ..بيني بينك... انا صممتله الة الزمن..هو كان قاعد بيكلم واحد صاحبه...ركب الة الزمن دي..ومشى بسرعه الضوء اللي هي سرعة الزمن..هيلاقي العالم وقف وهو بيمشي فيه وبيشوف كل حدث حصل في الوقت دا..يعني يروح ويشوف امريكا واستراليا ويرجع وكدا وكل دا..وبعدها يلاقي ان معداش وقت ويتكلم مع صاحبه كان مفتش حاجة


----------------------------------------->>


طيب لو انا بقى عملت الالة دي اسرع من 30000 كم في الثانيه يعني تضربلها كام مليون كيلو كدا في اقل من ثانيتين ههههههههههه..هرجع للحدث اللي قبل الحدث اللي انا كنت فيه..يعني بيني بينك..هيرجع لقبل ما قابل صاحبه وهيمشي في الحدث دا في اي مكان فيه ويشوف كل حاجة بتحصل فيها وبعدها لما يرجع هيقفز بالزمن لغايت ما قابل صاحبه


طب لو اسرع كمان..هيلحق احداث تانيه كانت قبل كدا...ممكن يلحق لقبل ما يتولد...ويمشي وسط العالم كدا اللي قبل ما يتولد فيه..بس مش هيبان فيه ولا هيأثر عليه دا هيكون زي شبح محدش حاسس بيه..يعني جايز دلوقتي وانا بكتب كلامي دا حد من المستقبل شايفني وبيقول مين العبقري دا بس انا مش حاسس بيه ههههههههههههههههههههههه





طيب معنى كدا ان بالفعل الفكره قابله للتفيذ لو مشيت انا بعربية او صاروخ او اي حاجة سرعتها كبيره كدا ؟


اجابتي اه


طب وايه يمنع ان احنا نطبق كدا


سببين الاول بسيط والتاني معقد..اما البسيط علشان مفيش الة سرعتها كدا لسه


المعقد..ان احنا لو اتحركنا بالسرعه دي مش هنبقى بشر,..امال؟ هنبقى ايه؟ هنبقى طاقه هههههههههههههه اه اه ..اهدوا كدا بس وببساطه اللي اقصد اقوله


ان جزيئاتنا الماديه مش هتستحمل دا كله...وهتتحول لفوتونات..يعني لطاقة...طب ليه وازاي وينفع الماده تبقى طاقه..يعني ينفع انا اتحول لنار والنار تتحول لتلاجه والعربية تتحول لنور ؟ ايه الكلام دا..دا تخريف


دا كان رأي كل عالم قبل ما اينشتين يعمل أكثر المعادلات جرأة في التاريخ


E=MCC سي تربيع يعني بس معرفش اعمل تربيع ع الكمبيوترههههههههههههه
ما عليناهههههههههه طب وايه الجدل في دي


المعادله بتقول..ان الطاقه بتساوي الكتله في مربع السرعه...والقوة هنا..ان اينشتين جاب الطاقة مع الكتله في معادلة واحده والكتله دي من خصائص الماده..يعني الطاقه مع الماده في معادله واحده....وبكدا بالفعل الطاقه والماده ممكن يبقوا اصلهم واحد ؟؟


دا اللي قاله العالم الاذكى من اينشتين باعتراف العالم وباعتراف اينشتين نفسه..علي مصطفى مشرفة لما كرر مقولة اليونان..ألرمل والماء والنار ثلاث اشياء لاصل واحد


يبقى المشكله ان في الرحله دي اعيد تركيب وترتييب جزيئات جسمي ع حسب موضعها الاصلي و كمان عدم حدوثث خلل في الحمض النووي الريبوزي منقوص الاوكسجين دي ان اي..والا ممكن ابقى انسان في الالة واطلع ابقى دبانه ولا حاجه(حاجات مش مضمونه اليومين دول) هههههههههههههههههههههههههه






فبعد دا كله وعلشان الموضوع ما يبقاش طويل خصوصا ان هو مش من المواضيع اللي حد بيحبها ماعدا ناس عجيبين زيي كداههههههههه


*ايه رأيكوا في النظرية النسبيه(7% من العلماء فاهمينها ع فكره) ؟
*تفتكروا الزمن ممكن نتحكم فيه ؟
* هل تتفق مع المقولة اللي بتقول الماده والطاقه اصلهم واحد ؟


لو بقى فيه ردود يعني ههههههههههه افضل انها تبتعد عن الجانب الديني يا شباب ...


ويارب يكون الموضوع عجبكم